2015/05/27

Поликистоз буюу өндгөвчинд олон уйланхай үүсэх хамж шинжийн талаар сонгож байсан уу?

Поликистоз буюу өндгөвч олон уйланхайжих хам шинж өвчний талаар та мэдэх үү?
- Хэрэв таны сарын тэмдэг алдагдаж сар алгасаж ирдэг бол
- Хэрэв та шалтгаангүйнгээр хэт таргалсан бол
- Нүүрээр батга гарах, эрэгтэй хүнтэй төстэйгөөр сахал үс ургадаг бол
- Хүүхэдтэй болохыг хүсч байгаа ч жирэмсэлж өгөхгүй байгаа бол.

 
НААШААА АНХААРЛАА НЭГ ХАНДУУЛНА УУ.
Дээрх шинж тэмдгүүдээс 2 оос дээш нь таньд илэрч байгаа бол эртхэн эмнэлэгт хандаж оношлогоо эмчилгээ хийлгэнэ үү.
 
Поликистоз буюу олон уйланхайжих өндгөвчний хам шинж гэж юу вэ?
 
Сарын тэмдгийн мөчлөг алдагдах, эр бэлгийн дааврын өсөлтөөс шалтгаалан батга гарах, эрэгтэй хүнтэй төстэйгөөр үс ургах, эхогоор харах үед өндгөвчинд олон уйланхай харагдах үед олон уйланхайжих өндгөвчний хам шинж гэж үздэг.
 
Олон уйланхайжих өндгөвчний хам шинж нь (polycystic ovarian syndrome) нөхөн үржихүйн насны эмэгтэйчүүдийн 5-10%, овуляцийн өөрчлөлттэй жирэмслэхгүй байгаа эмэгтэйчүүдийн 30-75% -д илэрч байгаа маш элбэг эмгэгүүдийн нэг юм. Энэхүү хам шинжээр оношлогдож буй эмэгтэйчүүдэд сарын тэмдгийн алдагдал, батга гарах, үргүйдэл, таргалалт зэрэг төрөл бүрийн зовиур шинж тэмдгүүд илэрч байна.
 
Дээр дурьдсанаас илүү ноцтой асуудал нь эдгээр хүмүүс тохирсон арга хэмжээ авахгүй удаан хугацаагаар явах тохиолдолд хоёрдогч хэлбэрийн чихрийн шижин, зүрх судасны өвчин, умайн дотоод салст бүрхүүлийн хорт хавдар, хөхний хорт хавдар мэтийн ужиг хам шинж, хүндрэл үүсэх эрсдэл өсч байгаа явдал юм.
Гэсэн хэдий ч дийлэнх эмэгтэйчүүд өөрийгөө ийм эмгэгтэй болохыг мэддэггүйгээс гадна сарын тэмдгийн хэт алдагдал, үргүйдлээс болоод эмнэлэгт үзүүлэх хүртлээ тохирсон оношлогоог хийлгээгүйгээс  арга хэмжээ авах боломжтой чухал үеийг нь  өнгөрөөж орхидог тал  байдаг.
Шалтгаан болон өвчний үүсэх үе
Өнөөг хүртэл өвчин үүсэх тодорхой шалтгаан нь тогтоогдоогүй.
Удамшлийн шалтгаан болон илсулин тэсвэртэй болох зэрэг төрөл бүрийн шалтгаануудийн хавсарсан үйлчилгээнд суурьласан өөрчлөлт гэж үзэж болох бөгөөд, үүнээс шалтгаалсан гормон ялгаралтын өөрчлөлтөөс болоод олон уйланхайжих өндгөвчний хам шинжийн төрөл бүрийн шинж тэмдгүүд болон ужиг хам шинжүүд бий болдог.  Илсулин тэсвэртэй болох эмгэгийг үүсгэгч хамгийн нийтлэг шалгаан нь таргалалт боловч туранхай эмэгтэйчүүдэд ч гэсэн инсулин тэсвэртэй болох эмгэг илрэх тохиолдол олон байдаг.